العيادة النفسية

احكلنا عن المشكله اللى عندك مهما كانت سواء عاطفيه او اجتماعيه اي نوع من انواع المشاكل و نحاول نحلها مع بعض احنا و جميع الاعضاء
بس اهم حاجه الصدق و الدقه علشان نقدر نحلها و نحلها صح
يلا انا مستني الردود و المشاكل و ربنا يقدرنا

انا اول وحده
انا عندى مشكلة
هيا انى حاسة انى صح في انى بعبد ربنا وبسمع الاغانى
المشكلة انى كل مااحاول اوجه لاصحابي نصيحة في الدين بيتريقوا عليا لغاية انى بقيت بستخسر فيهم النصيحة انا حاسة انى صح ولا ايه

بصي يا همسه اولا الاغانى فعلا حرام دى حاجه متفق عليها
ثانيا لما تحبي تنصحى حد انتى بتنصحيه لله
انصحى اللى ادامك حتى لو اتريق عليكي يبقي انتى عملتى اللي عليكي ادام ربنا و ادام نفسك
و سيبيهم يتريقو يا ستى هييجو في يوم و يقولو انك كنتى صح
بس انتى غلط في انك بتسمعى الاغانى لانها حرام و شكرا
عمار

بص انا مش هقلك ان العلماء اختلفوا وكده بس الدين يسر وانا مبحبش اخنق نفسي علشان منفجرش واعمل حاجة غلط بعد كده ولا انت ايه رايك ؟؟؟؟؟؟؟؟؟؟؟؟؟؟؟؟ وثانكس على حضورك الجميل

و الله انا ما اقدرش افتى في موضوع الدين
بس انا علي حد علمى انها حرام و الله اعلم
عمار

على العموم ثانكس اوى

ايه يا جماعه هو ما فيش حد تانى عنده مشاكل
عمار

بص يا معلم
انا خالتى عندها مشكلة
ابنها هيجننها
مش عايز يفتح كتاب ولا يذاكر وعصبي جدا جدا وهيا هتجنن من درجاته وعلى طول تصوت وتطلم له اخ لما بيشوفوه بيذاكر بيقعد يضربه ومش راحم امه ومش عارفين نفهم شخصيته خالص نعمل ايه

بصي يا همسه اولا لازم تعرفو هو مش حابب المذاكره ليه ثانيا لازم ترغبيه بطريقه الترغيب و الترهيب بمعنى يعنى مثلا لو ذاكرت الجزء ده شوفي هو بيحب ايه اوى او عايز ايه و قوليله انك هتجيبيهولو جايزه و لو ما ذاكرهاش هيتحرم مثلا من المصروف لمده اسبوع كمثال يعنى
و حاولو تقعدو معاه و اتكلمو ممكن اللى هو بيعمله ده لانه حاسس انكم بتحبو اخوه اكتر منه علشان بيذاكر و بينجح
حاولو تبينوله انكم بتحبوه هو كمان
و بردو خالتك عليها عامل في عصبيته لانها بتتعصب علي طول ادامه
حاولى انها تاخد الموضوع بهذوء شويه و تتكلم معاه براحه
و لو فيه اي اضافات تحبي تقوليها توضحلي الموضوع اكتر من كده انا موجود و تحت الطلب
عمار

هوه حاطط في دماغه اللعب جدا بيحبه بطريقة صعبة وحولنا معاه بكل الطرق صدقنى مش نافع
والحكاية مش حبين اخوه اكتر منه لا مهو كان بينجح بس بدرجات يدوبك ومامته غصب عنها بتعمل كده وهيا حرمته من المصروف جننها وقعد يزعقلها عارف بيقولها ايه
لما قلتله مفيش لعب هضربك يا ما ما من ناحية تانيه قلناله ذاكر نص ساعة والعب ساعة مفيش مبيذكرش نعمل ايه

لازم يا همسه تحاولو تجذبوه بعيد عن اللعب باي حاجه تانيه بيحبها او شوفي ايه اكتر حاجه بيحبها و خيريه انه لو ما ذاكرش هيتحرم منها و مره باللين و مره بالضرب لازم يحس ان فيه عقاب

اوك مرسي جدا على مساعدتك